ஜோன் கீல்ஸ் ஹோல்டிங்ஸ் பிஎல்சி (JKH) மற்றும் Melco Resorts & Entertainment இணைந்து 2025 ஆகஸ்ட் 2ஆம் திகதி “City of Dreams Sri Lanka”வின் திறப்பு விழாவை முன்னெடுக்கவுள்ளதாக அறிவித்துள்ளன. இந்த நிகழ்வு, உலகத்தரம் வாய்ந்த கேசினோ, ஆடம்பரமான Nüwa ஹோட்டல் மற்றும் பிரீமியம் ஷொப்பிங் மோல் உள்ளிட்ட திட்டத்தின் இறுதிப் பகுதிகளின் நிறைவைக் குறிக்கிறது.
இந்த மைல்கல் பங்காண்மை, தெற்காசியாவின் முதல் முழு ஒருங்கிணைந்த ரிசோர்ட்டின் அறிமுகத்தையும், இலங்கையின் ஆடம்பர வாழ்க்கை முறைத் துறையில் இதுவரை இல்லாத மிகப்பெரிய தனியார் துறை முதலீட்டையும் வெளிப்படுத்தியுள்ளது. 1.2 பில்லியன் அமெரிக்க டொலருக்கும் அதிகமான மதிப்புள்ள ஒரு திட்டமாக அமைந்திருப்பதுடன், உலக சுற்றுலா வரைப்படத்தில் கொழும்பின் நிலையை மாற்றியமைத்துள்ளது.
கொழும்பின் மையப்பகுதியில் மூலோபாய ரீதியாக அமைந்துள்ள இந்த ஒருங்கிணைந்த ரிசோர்ட், உலகத் தரம் வாய்ந்த விருந்தோம்பல், உயர்தர சில்லறை வணிகம், சிறந்த பொழுதுபோக்கு மற்றும் அதிநவீன MICE (கூட்டங்கள், ஊக்கங்கள், மாநாடுகள் மற்றும் கண்காட்சிகள்) உட்கட்டமைப்பு ஆகியவற்றை ஒரே இடத்தில் ஒரு ஆற்றல்மிக்க இலக்கில் ஒன்றிணைக்கிறது.
City of Dreams தனது புகழ்பெற்ற வர்த்தக நாமத்தை ஒரு துடிப்பான புதிய சந்தைக்கு விரிவுபடுத்துகையில், இலங்கையின் மூலோபாய இருப்பிடத்தையும் பிராந்தியத்தின் வளர்ந்து வரும் சுற்றுலாத் தேவையையும் இது பயன்படுத்துகிறது. ஆடம்பர விருந்தோம்பல் மற்றும் கேமிங்கில் உலகளாவிய நிபுணத்துவத்தை அறிமுகப்படுத்துவதன் மூலம், இலங்கையின் சுற்றுலா சலுகைகளின் தரம் மற்றும் கவர்ச்சியை உயர்த்த இந்த ரிசோர்ட் தயாராக உள்ளது. City of Dream Sri Lanka ஒரு ரிசோர்ட்டை விட அதிகம் – இது ஒரு புதிய வாழ்க்கை முறை இயக்கத்தின் மையப்புள்ளியாகும், இங்கு நவீனத்துவம், நேர்த்தியானது மற்றும் உள்ளூர் கலாச்சாரம் இணைகின்றன. இந்த முக்கிய திட்டம் ஆடம்பரம், நிலைத்தன்மை மற்றும் சமூக ஈடுபாட்டிற்கான புதிய அளவுகோல்களை அமைத்து, பிராந்தியத்தின் சுற்றுலாப் பிம்பத்தை மறுவரையறை செய்கிறது.
ஜோன் கீல்ஸ் ஹோல்டிங்ஸ் குழுமத் தலைவர் கிரிஷான் பாலேந்திரா கருத்து தெரிவிக்கையில், “City of Dreams Sri Lanka ஒரு தசாப்தத்திற்கு முன்னர் கருத்தரிக்கப்பட்ட ஒரு தனித்துவமான திட்டமாகும். இது கொழும்பை, பிராந்தியத்தில் ஓய்வு மற்றும் பொழுதுபோக்கிற்கான ஒரு விருப்பமான இடமாக, சிறந்த வாழ்க்கை முறை, ஷாப்பிங் மற்றும் பொழுதுபோக்கு இடங்களை வழங்கும் என்பதில் சந்தேகமில்லை. City of Dreams Sri Lanka-வின் அறிமுகத்தில் அனைத்து அம்சங்களின் ஒருங்கிணைப்பும், தெற்காசியாவில் ஒரு மாற்றத்தை ஏற்படுத்தும் வளர்ச்சியாக அதன் முழு திறனையும் வெளிப்படுத்தும் என்றும், இலங்கைக்கு சுற்றுலா தேவையை உருவாக்குவதிலும், அந்நிய செலாவணி வருவாயை ஈட்டுவதிலும், வேலைவாய்ப்பை உருவாக்குவதிலும் ஒரு ஊக்கியாக செயல்படும் என்றும் நாங்கள் நம்புகிறோம்.” என தெரிவித்தார்.
Melco Resorts & Entertainment நிறுவனத்தின் தலைவர் மற்றும் பிரதம நிறைவேற்று அதிகாரியான Lawrence Ho கூறுகையில், “இலங்கையில் இந்த மைல்கல் வளர்ச்சியின் ஒரு பகுதியாக இருப்பதிலும், ஜோன் கீல்ஸுடன் கூட்டு சேர்ந்து இருப்பதிலும் நாங்கள் மகிழ்ச்சியடைகிறோம். இலங்கைக்கு மகத்தான சாத்தியக்கூறுகள் இருப்பதாக நாங்கள் நம்புகிறோம், மேலும் இந்த வாய்ப்பு எங்கள் தற்போதுள்ள சொத்துக்களின் தொகுப்பிற்குப் பூர்த்தி செய்கிறது. City of Dreams Sri Lanka, பிற அதிகார வரம்புகளில் உள்ள ஒத்த ஒருங்கிணைந்த உல்லாச விடுதிகளால் அமைக்கப்பட்ட வெற்றிகரமான எடுத்துக்காட்டுகளிலிருந்து உத்வேகம் பெற்று, இலங்கையில் சுற்றுலாத் தேவையைத் தூண்டி பொருளாதார வளர்ச்சியை மேம்படுத்துவதற்கான ஒரு ஊக்கியாக செயல்படும் என்று எதிர்பார்க்கப்படுகிறது.” என தெரிவித்தார்.
