இலங்கை கிரிக்கெட் அணியின் வீரர்கள் மீது சமூக வலைத்தளத் தடையை விதிக்க வேண்டும் என இலங்கை கிரிக்கெட் அணியின் முன்னாள் தலைவர் மார்வன் அத்தப்பத்து தெரிவித்துள்ளார்.
சமூக வலைத்தளங்களில் ஏற்படும் கவனச் சிதறல்கள் வீரர்களின் ஒருமைப்பாடு மற்றும் தொழில்முறை அணுகுமுறையை பாதிக்கின்றன. நாட்டை பிரதிநிதித்துவப்படுத்தும் வீரர்கள் தங்களது முழுக் கவனத்தையும் பயிற்சிக்கும், ஆட்டத்திற்கும் செலுத்த வேண்டும். சில காலத்துக்கு சமூக வலைத்தளங்களிலிருந்து விலகி இருப்பது அவர்களின் கவனத்தை மீட்டெடுக்க உதவும் எனக் குறிப்பிட்டுள்ளார்.
ஒரு வீரருக்கு சமூக வலைத்தளம் அவசியம் என்று தோன்றினால், அவர் கிரிக்கெட்டிலிருந்து ஓய்வு பெறுவது தான் சிறந்தது. இலங்கை தேசிய அணியை பிரதிநிதித்துவப்படுத்தும் போது, வீரர்களது கவனம் முழுவதும் ஆட்டத்திற்கான தயார்படுத்தல் மற்றும் ஆட்டத் திறமையில் இருக்க வேண்டும் என அவர் மேலும் தெரிவித்துள்ளார்.
மார்வன் அத்தபத்து 90 டெஸ்ட் மற்றும் 268 சர்வதேச ஒருநாள் போட்டிகளில் இலங்கையை பிரதிநிதித்துவம் செய்து 14,000 க்கும் மேற்பட்ட சர்வதேச ஓட்டங்களை குவித்துள்ளார்.
