இன்றைய வேகமான உலகத்தில் பல விஷயங்கள் மாறிவிட்ட நிலையில் குறிப்பாக உணவு பழக்கங்களும் மாறியுள்ளது. அவசரமான உலகத்திற்கு ஈடு கொடுக்கும் வகையில் பல ஜங்க் உணவுகளை உண்ண ஆரம்பித்துவிட்டோம்.
இதனால் உடல் ஆரோக்கியம் வெகுவாக பாதிக்கப்பட்டுவிட்டது. இதுவே அக்காலத்து ஆட்கள் என்றால் இந்த வயதிலும் கூட ஆரோக்கியமாக இருப்பதை நாம் காணலாம். அதற்கு முக்கிய காரணமாக இருப்பது அவர்கள் ஆரோக்கியமான உணவுப் பழக்கத்தை கடைப்பிடித்து வந்ததாலேயே.
ஆரோக்கியமான உணவுகளில் பயறுகளுக்கு முக்கிய பங்கு உள்ளது. தட்டைப் பயறு என்பது பயறு குடும்பத்தை சேர்ந்தவையே.
உடல் எடையை குறைக்க உதவும்
இந்த கருப்பு நிற கண்களைக் கொண்ட பயறுகளில் கலோரிகளும், கொழுப்புகளும் குறைவாகவே உள்ளதால் உடல் எடையைக் குறைக்கின்றது. நார்ச்சத்து அதிகமாக இருக்கும் இதனை டயட்டிற்கு எடுத்துக்கொள்ளலாம். இதனை உட்கொள்ளும் போது, நீண்ட நேரத்திற்கு வயிறு நிறைந்த உணர்வை அளிக்கும்.
தொற்றுக்களில் இருந்து பாதுகாக்கும்
தட்டைப் பயறுகளில் வைட்டமின் ஏ போன்ற ஆண்டி – ஆக்சிடன்ட்கள் வளமையாக உள்ளதால், பல வகையான நோய்கள் அண்டாமல் தடுப்பதில் இது முக்கிய பங்கை வகிக்கிறது. இந்தப் பயறை உட்கொள்வதால் பல வகையான தீய நச்சுக்களையும் ஆக்சிஜன் இல்லாத இயக்க உறுப்புகளை உடலில் இருந்து நீக்கி உடல்நலத்தை பராமரிக்க உதவுகிறது.
சர்க்கரை நோய்க்கு நல்லது
மற்றப் பயறு வகையில் உள்ளதை விட தட்டைப் பயறுகளில் உள்ள க்ளைசெமிக் இன்டெக்ஸ் குறைவாகவே உள்ளது. சர்க்கரை நோயால் அவதிப்படுபவர்களுக்கு கிளைசீமிக் இன்டெக்ஸ் குறைவாக உள்ள உணவுகள் மிகவும் நல்லது. அதற்கு காரணம், இவ்வகை உணவுகள் இரத்தத்தில் உள்ள சர்க்கரை அளவை இயல்பு வீதத்தில் வைத்திருக்க உதவும்.
குறைந்த அளவிலான கொலஸ்ரால்
இரத்தில் உள்ள கொலஸ்ட்ராலை குறைத்து, இருதய சம்பந்தப்பட்ட வியாதிகளுக்கு சிகிச்சை அளிக்கும் திறனைக் கொண்டுள்ளது கருப்புக் கண்களைக் கொண்ட தட்டைப் பயறு.
தட்டைப் பயறுகளில் ஃப்ளேவோனாய்டுகள், பொட்டாசியம் மற்றும் மெக்னீசியம் போன்ற கனிமங்கள், கரையா நார்ச்சத்து (லிக்னின் என்ற ஃபைட்டோ ஈஸ்ட்ரோஜென்) போன்றவைகள் இருப்பதால், இதயத்திற்கு உகந்த ஆரோக்கியத்தை அளிக்கிறது
செரிமானத்திற்கு உதவுகிறது.
தட்டைப் பயறுகளில் அதிகளவிலான நார்ச்சத்தும், புரதமும் அடங்கியுள்ளது. இதனால் உங்கள் வயிறில் நேர்மறையான தாக்கத்தை ஏற்படுத்தி, செரிமான செயல்முறைக்கு உதவிடும். நார்ச்சத்து இருப்பதால் மலச்சிக்கல் பிரச்சனைகள் நீங்கி, வயிற்று சுகவீனம் சரியாகி, உணவுகள் செரிக்க உதவிடும்.
ஆரோக்கியமான சருமத்திற்கு நல்லது.
தட்டைப் பயறுகளில் புரதச்சத்து அதிகமாக உள்ளதால் சருமத்தை சீர் செய்யும் செயல்முறையை தூண்டி விட்டு, ஆரோக்கியமான சருமத்தை பராமரிக்க இது உதவும்.
தட்டைப் பயறுகளில் வைட்டமின் ஏ மற்றும் வைட்டமின் சி இருப்பதால் தான் இதில் ஆன்டி – ஆக்ஸிடன்ட் குணங்கள் நிறைந்துள்ளது. இதனால் இயக்க உறுப்புகளால் ஏற்படும் பாதிப்புகளில் இருந்து, உங்கள் சரும அணுக்களை தட்டைப் பயறுகள் காக்கும்.
