இந்தியா- தென்ஆப்பிரிக்கா அணிகளுக்கு இடையில் 2 போட்டிகள் கொண்ட டெஸ்ட் கிரிக்கெட் தொடர் நடைபெற்று வருகிறது. முதல் போட்டி கொல்கத்தா ஈடன் கார்டன் மைதானத்தில் நடைபெற்றது. இப் போட்டியின் 3 ஆவது நாள் தேனீர் இடைவேளைக்கு முன்னதாக தென்ஆப்பிரிக்கா 30 ஓட்டங்கள் வித்தியாசத்தில் வெற்றி பெற்றது.
சுழற்பந்து வீச்சுக்கு சாதகமான இந்த ஆடுகளத்தில் துடுப்பாட்ட வீரர்கள் கடுமையாக திணறினர். 2ஆவது இன்னிங்சில் தென்ஆப்பிரிக்கா கப்டன் பவுமா மட்டும் அரைசதம் அடித்தார்.
முதல் இன்னிங்சில் தென்ஆப்பிரிக்கா 159 ஓட்டத்தில் சுருண்டது. இந்தியா 189 ஓட்டங்;கள் சேர்த்தது. 2 ஆவது இன்னிங்சில் தென்ஆப்பிரிக்கா 153 ஓட்டங்களில் சகல விக்கெட்டையும் இழந்தது. இந்தியா 124 வெற்றியிழக்கை இலக்கை எட்ட முடியாமல் 93 ஓட்டத்தில் சுருண்டு படுதோல்வியடைந்தது.
இந்த வெற்றியின் மூலம் தென்ஆப்பிரிக்கா அணி இந்திய மண்ணில் இந்தியாவை கடந்த 15 வருடத்திற்கு பின் வீழ்த்தியுள்ளது.
தென்ஆப்பிரிக்கா அணியின் சுழற்பந்து வீச்சாளர் ஹார்மர் முதல் இன்னிங்சில் 30 ஓட்டங்;கள் விட்டுக்கொடுத்து 4 விக்கெட் வீழ்த்தினார். 2 ஆவது இன்னிங்சில் 21 ஓட்டங்கள் விட்டுக்கொடுத்து 4 விக்கெட் வீழ்த்தினார். 8 விக்கெட் வீழ்த்திய அவர் ஆட்ட நாயகன் விருது வென்றார்.
