இந்தோனேஷியாவின் வடக்கு சுமாத்ரா கரையோரத்தில் ஏற்பட்ட 6.6 மெக்னிடியூட் அளவிலான நிலநடுக்கத்தால் இலங்கைக்கு சுனாமி அபாயம் இல்லை என வளிமண்டலவியல் திணைக்களம் தெரிவித்துள்ளது.
இந்தியப் பெருங்கடலில் இன்று காலை ஏற்பட்ட சக்திவாய்ந்த நிலநடுக்கத்தால் இலங்கையின் கரையோரப் பகுதிகளுக்கு சுனாமி ஆபத்து இல்லை என தேசிய சுனாமி முன்னெச்சரிக்கை நிலையம் உறுதியாக அறிவித்துள்ளது.
இன்று காலை சரியாக 10.26 மணியளவில், இந்தோனேசியாவின் வட சுமாத்திரா தீவுக்கு அருகே இந்தியப் பெருங்கடலில் இந்த நிலநடுக்கம் பதிவாகியுள்ளது.
இது ரிச்டர் அளவுகோலில் 6.6 ஆகப் பதிவான சக்திவாய்ந்த நிலநடுக்கம் என வளிமண்டலவியல் திணைக்களத்தின் தேசிய சுனாமி முன்னெச்சரிக்கை மையம் உறுதிப்படுத்தியுள்ளது.
நிலநடுக்கம் ஏற்பட்ட போதும், அதன் ஆழம் மற்றும் மையப்பகுதியின் தூரத்தைக் கருத்தில் கொண்டு, இலங்கையின் கரையோரப் பகுதிகளுக்கு எவ்வித சுனாமி அச்சுறுத்தலும் ஏற்பட வாய்ப்பில்லை எனத் திணைக்களம் தெளிவாக அறிவித்துள்ளது.
இதனால், இலங்கைக் கரையோரப் பகுதிகளில் உள்ள மக்கள் பதற்றமடையத் தேவையில்லை எனவும், கரையோரப் பகுதிகள் வழமை போன்று பாதுகாப்பான நிலையிலேயே உள்ளதாகவும் அறிவிக்கப்பட்டுள்ளது.
