இலங்கையில் பேரிடர் மீட்புப் பணிகளுக்கு ஒத்துழைப்பு வழங்க ஸ்டார்லிங் 100 செயற்கைகோள் அலகுகளை நன்கொடையாக வழங்கியுள்ளதாக நிதி அமைச்சு தெரிவித்தது.
இந்த நன்கொடை தகவல் தொடர்பு மற்றும் இணைப்பை கணிசமாக மேம்படுத்தும் என்றும், நிவாரணம் மற்றும் அவசரகால மீட்பு நடவடிக்கைகளை அதிகாரிகள் மிகவும் திறமையாக மேற்கொள்ள உதவும் என்றும் அமைச்சின் செயலாளர் டாக்டர் ஹர்ஷனா சூரியப்பெரும தெரிவித்தார்.
ஸ்டார்லிங் வன்பொருள் அலகுகள் ஏற்கனவே இலங்கைக்கு வந்து சேர்ந்துள்ளதாகவும், பேரிடர் மீட்பு திறன்களை மேலும் வலுப்படுத்த பேரிடர் மேலாண்மை மையத்திடம் அவற்றை ஒப்படைக்க நடவடிக்கை எடுக்கப்பட்டு வருவதாகவும் அவர் குறிப்பிட்டார்.
