தேசிய மக்கள் சக்தியின் கட்டுப்பாட்டில் உள்ள காலி மாநகர சபையின் 2026 ஆம் ஆண்டுக்கான வரவு – செலவுத் திட்டம் நேற்று திங்கட்கிழமை இரண்டு வாக்குகளால் தோற்கடிக்கப்பட்டது.
காலி மாநகர சபையின் மேயர் சுனில் கமகே வரவு – செலவுத் திட்டத்தை சபையில் சமர்ப்பித்தார்.
இதன்போது, உரையாற்றிய ஐ.தே.க. உறுப்பினர் ஜிலித் நிஷாந்த இந்த வரவு செலவுத் திட்டம் கடந்த ஆண்டு வரவு- செலவுத் திட்டத்திலிருந்து பெரிய அளவில் வேறுபட்டதல்ல. இந்த வரவு – செலவுத் திட்டம் காற்று நிரப்பப்பட்ட பலூன் போன்றது என்று கூறினார்.
அதேநேரத்தில் ஐக்கிய தேசியக் கட்சி, ஸ்ரீலங்கா சுதந்திரக் கட்சி, சமகி ஜன பலவேகய, பொதுஜன ஐக்கிய பெரமுன மற்றும் கூட்டு எதிர்க்கட்சி உறுப்பினர்கள் எதிர்ப்புத் தெரிவித்து சிவப்பு பலூன்களை வெடித்தனர். இதனை அடுத்து, இரண்டு வாக்குகளால் வரவு – செலவுத் திட்டம தோற்கடிக்கப்பட்டது.
