திருவண்ணாமலையில் அமைந்துள்ள ஈழத்துச் சித்தர்களின் வழிபாட்டு மையத்தில் ஈழத்துச் சித்தர்களான செல்லப்பா சுவாமிகள், யோகர் சுவாமிகள், ஹவாய் சுப்பிரமுனிய சுவாமிகளின் திருவுருவப் படங்கள் வைக்கப்பட்டுக் கடந்த 03.03.2025 முதல் யோகர்சுவாமி திருவடி பேறடைந்த அச்சுவினி நட்சத்திரத்தில் நற்சிந்தனை ஓதுதலுடன் திருவாசக முற்றோதல் நடைபெற்று சாதுக்களுக்கு அன்னதானம் வழங்கல் மாதம் தோறும் இடம்பெற்று வருகிறது.
பல இலட்சக்கணக்கான அடியவர்கள் கூடும் கிரிவலத்தில் திருக்கார்த்திகை விரத தினமான எதிர்வரும் 3 ஆம் திகதி புதன்கிழமை இலங்கை மக்கள் சார்பாக அன்னதானம் வழங்குவது பெரும் புண்ணியமான செயற்பாடாகும். இந்த அன்னதானத்தில் பங்குகொள்ள விரும்புவோரைத் தொடர்பு கொள்ளுமாறு சைவப்பிரகாசப் பேரவையினர் கேட்டுள்ளனர்.
சைவப்பிரகாசப் பேரவையின் செயலாளர் – 0773783316
சைவப்பிரகாசப் பேரவையின் தலைவர் – 0773901877
