-ஞானத்தமிழ்-
இலங்கை தொழிற்பயிற்சி அதிகார சபையின் யாழ்ப்பாண மாவட்ட தொழில் பயிற்சி நிலையங்களுக்கு 2026 ஆம் ஆண்டு முதலாம் அரையாண்டுக்கான முழுநேரக் கற்கைநெறிகள் ஜனவரி மாதம் ஆரம்பமாகவுள்ள நிலையில் அதற்கான விண்ணப்பங்கள் கோரப்பட்டுள்ளன.
இக்கற்கை நெறிகள் யாழ்ப்பாணம், கைதடி, காரைநகர், வல்வெட்டித்துறை, பண்டத்தரிப்பு, சுன்னாகம் ஆகிய தொழிற்பயிற்சி நிலையங்களில் நடைபெறவுள்ளன.
தகவல் தொடர்பாடல் தொழிஙட்பவியலாளர், மின்னிணைப்பாளர், கணிய அளவியலாளர், விருந்தினர் வரவேற்பாளர், வெதுப்பாளர், சமையலாளர், நீர்க்குழாய் பொருத்துனர், மோட்டார் சைக்கிள் திருத்துனர், அலுமினியம் பொருத்துனர், கணினி வன்பொருள் திருத்துனர், கணினி படவடிவமைப்பாளர், அறை பராமரிப்பாளர், உணவு மற்றும் குளிர்பாணம் பரிமாறுபவர், குழந்தை பராமரிப்பாளர், பெண்கள் சிறுவர்களுக்கான ஆடை வடிவமைப்பாளர், சிகையலங்கரிப்பாளர், அழகுக்கலை வல்லுநர், முன்பள்ளி ஆசிரியர், விரைவு சேவை உணவு வழங்குநர், காய்ச்சி இணைப்பவர், தொழிற்சாலை மின்னினைப்பாளர் , மரவேலை தொழிநுட்பவியலாளர், வளிசீராக்கி, குளிர்சாதன திருத்துனர் போன்ற கற்கைநெறிகளுக்கு விண்ணப்பங்கள் கோரப்பட்டுள்ளன.
இக்கற்கைநெறிகள் அனைத்தும் தேசிய தொழில் தகைமை மட்டம் (NVQ) 4 சான்றிதழுக்கான பயிற்சிநெறிகளாகும். கற்க விரும்புவோர் தங்கள் பதிவுகளை மாவட்ட அலுவலகம், 4 ஆம் மாடி, வீரசிங்கம் மண்டபம், 12 கே.கே.எஸ் வீதி, யாழ்ப்பாணம் உட்பட அனைத்து தொழிற்பயிற்சி நிலையங்களிலும் மேற்கொள்ள முடியும் எனவும் மேலதிக விபரங்களுக்கு 0212227949, 0710318737, 0776139307 ஆகிய. தொலைபேசி இலக்கங்களுடன் தொடர்பு கொள்ள முடியும் என அறிவிக்கப்பட்டுள்ளது.
