மஹாபொல புலமைப்பரிசில் நிதியை தவறாகப் பயன்படுத்தியது குறித்து இலஞ்சம் அல்லது ஊழல் பற்றிய குற்றச்சாட்டுக்களை விசாரிக்கும் ஆணைக்குழு விசாரணைகளை ஆரம்பித்துள்ளது.
ஊழல் குற்றச்சாட்டுகளுக்கு தண்டனை பெற்று தற்போது சிறையில் உள்ள முன்னாள் வர்த்தக அமைச்சர் நளின் பெர்னாண்டோவின் காலத்தில் குறித்த நிதி தவறாகப் பயன்படுத்தப்பட்டதாக முறைப்பாடு அளிப்பட்டுள்ளது.
இந்நிலையில் சிறையில் உள்ள முன்னாள் அமைச்சரிடமிருந்து வாக்குமூலம் பதிவு செய்வதற்கு இலஞ்சம் அல்லது ஊழல் பற்றிய குற்றச்சாட்டுக்களை விசாரிக்கும் ஆணைக்குழு திட்டமிட்டுள்ளது. இருப்பினும் அவர் தனது வழக்கறிஞர்களுடன் கலந்தாலோசித்த பின்னரே ஆணைக்குழுவிடம் வாக்குமூலம் அளிக்கவுள்ளதாக அறிவித்துள்ளார்.
இந்நிலையில் இலஞ்சம் அல்லது ஊழல் பற்றிய குற்றச்சாட்டுக்களை விசாரிக்கும் ஆணைக்குழு நீதிமன்ற உத்தரவைப் பெற்று அமைச்சரிடத்தில் வாக்குமூலத்தினைப் பெறுவதற்கு நடவடிக்கைகளை எடுத்துள்ளதாக தெரிவிக்கப்படுகின்றது.
மஹாபொல புலமைப்பரிசில் அறக்கட்டளை நிதிச் சட்டத்தின்படி நிதி தொடர்பான முடிவுகள் குறித்த புலமைப்பரிசில் திட்டத் தலைவருடன் கலந்தாலோசித்து எடுக்கப்பட வேண்டும். அந்த நேரத்தில் பதவியில் இருந்த தலைவருடன் கலந்தாலோசிக்காமல் இந்த முடிவு எடுக்கப்பட்டுள்ளமை குறிப்பிடத்தக்கது.
