2026 ஆம் ஆண்டுக்கான வரவு செலவுத் திட்ட உரை, சபாநாயகர் ஜகத் விக்கிரமரத்தின தலைமையில் சற்று முன்னர் பாராளுமன்றில் ஆரம்பமானது.
நிதி, திட்டமிடல் மற்றும் பொருளாதார அபிவிருத்தி அமைச்சர் என்ற வகையில் ஜனாதிபதி அநுர குமார திசாநாயக்கவின் தேசிய மக்கள் சக்தி அரசாங்கம் முன்வைக்கும் இரண்டாவது வரவு செலவுத் திட்டம் இது என்பது குறிப்பிடத்தக்கது.
ஜனாதிபதி தனது வரவு செலவுத் திட்ட உரையில்,
- 2025 இன் இறுதியில் இலங்கை மீண்டும் பழைய நிலையை அடையும்.
- தேர்தல் கூட்டம் ஒன்றுக்கு வராவிட்டால் மக்களுக்கான சமூர்த்தி நீக்கப்பட்டது.
- அரச வருமானம் 16% ஆக அதிகரிக்கும் என எதிர்ப்பார்ப்பு
- வெளிநாட்டு கையிருப்பை இந்த வருட இறுதிக்குள் 7 பில்லியன் அமெரிக்க டொலர்
- அரச ஊழியர்களின் சம்பளத்தை 3 கட்டங்களாக அதிகரிப்பதற்கு நடவடிக்கை
- 2030 ஆம் ஆண்டுக்குள் கடனை 87% ஆகக் குறைக்க நடவடிக்கை
- அடுத்த ஆண்டில் புதிய டிஜிட்டல் சேவை
- அரச சொத்து முகாமைத்துவ சட்டம் 2026 இல்
- தவறிழைத்தவர்களுக்கு பாரபட்சம் காட்டப்படமாட்டாது
- 2029 வரை தேசிய அபிவிருத்தி ஏற்றுமதி திட்டம்
- 2025 இல் இறக்குமதி செலவினம் அதிகரிப்பு
- 2032 இல் கடனை 90 வீதம் குறைப்பதற்கு எதிர்பார்ப்பு
- வாகன இறக்குமதி 1373 மில்லியன் அமெரிக்க டொலர்
- வேலையின்மை சதவீதம் குறைப்பு – அரச வருமானம் அதிகரிப்பு
- தொழிற்துறை அபிவிருதிக்கு 1000 மில்லியன் ரூபா
- முதலீட்டு வலயங்களுக்கான சேவை அபிவிருத்திக்காக 1000 மில்லியன் ரூபா
- காணி தகவல் உட்பட மத்திய டிஜிட்டல் கட்டமைப்புக்காக 100 மில்லியன் ரூபா
- வௌிநாட்டு முதலீட்டாளர்களுக்காக வதிவிட விசா முறைமை அறிமுகப்படுத்தப்படும்.
- சர்வதேச வர்த்தக உடன்படிக்கைக்கு ஒப்பான புதிய முறைமை ஒன்று தயாரிக்கப்படவுள்ளது.
- சிறிய மற்றும் நடுத்தர அளவிலான தொழில்முனைவோருக்கு 5900 மில்லியன் ரூபாய் கடன் வழங்க ஒதுக்கிடப்படும்
- விவசாய அபிவிருத்திக்கு 1700 மில்லியன்
- நீரியல் வளப் பகுதிகளை உள்ளடக்கிய சுற்றுலா தொழிற்துறை அபிவிருத்திக்காக 3500 மில்லியன் ரூபா
- அடுத்த வருடத்திற்கான பல்வேறு கடன் வசதிகளுக்காக 80000 மில்லியன் ரூபா
- சுற்றுலா தொழில் நிபுணர்களை உருவாக்க 500 மில்லியன் ரூபா
- உள்ளக விமான சேவைகளை விரிவுப்படுத்த அவதானம் செலுத்தப்பட்டுள்ளது.
- கட்டுநாயக்க விமான நிலையத்தை விரிவுப்படுத்தும் வேலைத்திட்டத்தை அடுத்த வருடம் ஆரம்பிப்பதற்கு நடவடிக்கை
- 2026 மார்ச் முதல் டிஜிட்டல் அடையாள அட்டை
- க்ளீன் ஶ்ரீலங்கா வேலைத்திட்டத்திற்கு 6500 மில்லியன்
- பிரஜைகளின் தரவுகளை பாதுகாப்பதற்கு நடவடிக்கை எடுக்கப்படும்
- கிவ் ஆர் குறியீடுக்காக 5000 க்கு குறைந்த கொடுக்கல் வாங்கலுக்கான சேவை கட்டணம் நீக்கப்படும்
- AI தரவு மத்திய நிலையத்தை ஸ்தாபிப்பதற்கான நடவடிக்கை எடுக்கப்படும்
- அஸ்வெசும பெறும் குடும்பங்களில் உள்ள பிள்ளைகளுக்காக இணைய சேவை வவுச்சர் வழங்கப்படும்.
- டிஜிட்டல் தொழில்நுட்ப கோபுரங்களை அமைப்பதற்கு முதலீட்டு வரியை 5 வருடங்களுக்கு ரத்து செய்ய நடவடிக்கை எடுக்கப்படும்
- மஹாபொல புலமைப்பரிசில் 2500 ரூபாயினால் அதிகரிப்பு
- விஷ போதைப்பொருளை ஒழிப்பதற்கான சுற்றிவளைப்புகளுக்கு 2000 மில்லியன் ரூபா
- தேசிய கல்வியற் கல்லூரிகளில் பயிலும் ஆசிரிய மாணவர்களுக்கான கொடுப்பனவு 2500 ரூபாயினால் அதிகரிக்கப்படும்.
- விசேட தேவையுடைய பிள்ளைகள் உயர் கல்வியை பெறுவதற்காக 5000 ரூபா மாதாந்த கொடுப்பனவை வழங்க நடவடிக்கை எடுக்கப்படும்.
- நாடளாவிய ரீதியில் உள்ள தொழிற் பயிற்சி நிலையங்களை அபிவிருத்தி செய்வதற்கு 8000 மில்லியன் ரூபா ஒதுக்கப்படும்.
- பெருந்தோட்ட தொழிலாளர்களுக்கான நாளாந்த கொடுப்பனவு அதிகரிப்பு
- பெருந்தோட்ட தொழிலாளர்களுக்கான நாளாந்த கொடுப்பனவை 2026 ஆம் ஆண்டு ஜனவரி மாதம் முதல் 1,550 ஆக அதிகரிப்பதற்கு யோசனை முன்வைக்கப்படும். அதில் வரவுக் கொடுப்பனவுக்கான 200 ரூபாவை அரசாங்கம் வழங்கும்.
- 82 ஆதார வைத்தியசாலைகளை 5 வருடங்களில் அபிவிருத்தி செய்வதற்கு 31,000 மில்லியன் ரூபா
- 16 மாடிகளைக் கொண்ட தேசிய இதய சிகிச்சை மையத்தை நிர்மாணிப்பதற்கு 200 மில்லியன் ரூபா
- சுவசெரிய நோயாளர் காவு வண்டி சேவைக்காக 4.2 பில்லியன் ரூபா
- வட, கிழக்கு விளையாட்டு அபிவிருத்திக்கு 100 மில்லியன்
- இளைஞர்களிடைய விளையாட்டு கலாசாரத்தை மேம்படுத்துவதற்காக 1,800 மில்லியன் ரூபா
- உள்நாட்டு பால் தேவையில் 75 சதவீதம் 2030 இல் பூர்த்தி செய்யப்படும்
- சிறு மற்றும் நடுத்தர அளவிலான கால்நடை அபிவிருத்தி நிகழ்ச்சித்திட்டத்தின் கீழ் சாத்தியவள ஆய்வு உள்ளிட்ட ஆரம்பப் பணிகளுக்காக 1,000 மில்லியன் ரூபா ஒதுக்கீடு
- வாழைச்சேனை மீன்பிடித்துறைமுக அபிவிருத்திக்கு 350 மில்லியன்
- மத்திய அதிவேக வீதியின் கடவத்தை – மீரிகமை வீதிப் பகுதியின் நிர்மாணப் பணிகளுக்காக 66,150 மில்லியன் ரூபா
- வீதிப் பாதுகாப்பு வேலைத்திட்டத்திற்கு மேலதிகமாக 1,000 மில்லியன்
- எரிசக்தி நிலைமாற்றச் சட்டம் அடுத்த ஆண்டுக்குள்
- ஹட்டன் நகரில் போக்குவரத்து நெரிசலைக் குறைக்க 500 மில்லியன்
- அடுத்த வருடத்தில் 27,000 புதிய வீடுகள் நிர்மாணிக்கப்படும்
- மலையக இந்திய வீட்டுத்திட்டத்திற்காக 4,290 மில்லியன்
- அரச சேவைக்கு 75,000 பேர் ஆட்சேர்ப்பு
- அரச ஊழியர்களுக்கான இரண்டாம் கட்ட சம்பள அதிகரிப்பிற்காக 110 பில்லியன் ரூபா ஒதுக்கீடு
- அரச ஊழியர்களுக்கு சலுகை வட்டியில் வீடமைப்பு கடன்
- அரச ஊழியர்களின் பண்டிகை முற்பணம் 15,000 ஆக அதிகரிப்பு
- தெரு நாய்கள் பாதுகாப்பு வசதிகளை அறிமுகப்படுத்தல்
- பாதுகாப்பற்ற புகையிரத கடவைக் காப்பாளர்களின் கொடுப்பனவு அதிகரிப்பு
- 8 மணிநேரம் கடமை நேரத்திற்கு வழங்கப்படும் 7,500 மாதாந்த குறைந்தபட்ச கொடுப்பனவை 15 ஆயிரம் ரூபாயாக அதிகரித்து வழங்குவதற்கு 250 மில்லியன் ரூபா ஒதுக்கீடு
- இறக்குமதி தேங்காய், பாம் எண்ணெய் மீதான விசேட பண்ட வரி நீக்கப்படும்
- 2026 ன் கடன் பெறும் உயர்ந்தபட்ச வரையறை குறைப்பு இலங்கையின் கடன்பெறுதல் வரையறையை 3,740 பில்லியன் ரூபாவாக 60 பில்லியன் ரூபாயினால் குறைப்பதற்கான யோசனை முன்வைக்கப்பட்டுள்ளது.
- இறக்குமதி செய்யப்படும் துணி மீதான செஸ் வரி நீக்கம்
- மாகாண சபைத் தேர்தலுக்காக 10 பில்லியன் ரூபா ஒதுக்கீடு
- தேசிய தீர்வை கொள்ளையை நடைமுறைப்படுத்தல் தற்சமயம் நடைமுறையில் உள்ள 0%, 15%, 20% தீர்வை வரி விகிதங்களை 2026 ஏப்ரல் மாதம் முதல் அமுலுக்கு வரும் வருமாறு தீர்வை விகிதங்களை 0%, 10%, 20%, 30% என்றவாறு தேசிய தீர்வை கொள்ளையை நடைமுறைப்படுத்த முன்மொழியப்பட்டுள்ளது.
- உள்நாட்டு இறைவரித் திணைக்களத்தை தனியாக ஸ்தாபிக்க யோசனை
- புதிய அலுகலக கட்டிடத் தொகுதியை ஸ்தாபிப்பதற்காக 2,000 மில்லியன் ரூபா ஒதுக்கீடு
- அதிபர் கொடுப்பனவை 1,500 ரூபாயினால் அதிகரிக்க நடவடிக்கை
- கல்வி இலக்குகளை அடைவதில் அதிபர்களின் நிர்வாகப் பொறுப்புகள் மற்றும் பொறுப்புகூறலை அங்கீகரிக்கும் வகையில், அதிபர் பதவியில் பணியாற்றும் அதிபர்களுக்கு வழங்கப்படும் அதிபர் கொடுப்பனவை 1,500 ரூபாவால் அதிகரிக்கவும் கல்வி இலக்குகளை அடைவதை அதிகரிப்பதற்காக 1,000 மில்லியன் ரூபா ஒதுக்கீடு
- கஷ்டப்பிரதேசங்களிலுள்ள பாடசாலைகளில் பணிபுரியும் ஆசிரியர்களுக்கு வழங்கப்படும் கொடுப்பனவுகள் 20 ஆண்டுகளாக அதிகரிக்கப்படாதிருப்பதனால், அத்தகைய ஆசிரியர்களை ஊக்குவிக்கும் வகையில் கொடுப்பனவை 1,500 ரூபாவால் அதிகரிப்பதற்கும் யோசனை முன்வைக்கப்பட்டுள்ளது.
- அரச ஊழியர்களின் முற்பணக் கணக்கு வரையறைக்கென 10,000 மில்லியன் ஒதுக்கீடு
- அரச ஊழியர்களின் சம்பள உயர்வுக்கேற்ப, 4.2 சதவீத வட்டி அடிப்படையில் பெற்றுக் கொள்ளக் கூடிய இடர் கடன் முற்பணத் தொகையை, 250,000 இலிருந்து 400,000 ரூபாய் வரை அதிகரிப்பதற்கு நடவடிக்கை எடுக்கப்பட்டுள்ளது.
- 2020 ஆம் ஆண்டுக்கு முன்னர் ஓய்வு பெற்றவர்களின் ஓய்வூதியங்கள் 2019 ஆம் ஆண்டின் சம்பள கட்டமைப்பின் அடிப்படையில் திருத்தப்பட்ட ஓய்வூதியத்தை 2026 ஜூலை மாதம் முதல் செலுத்துவதற்கு 20,000 மில்லியன் ரூபா
