கொழும்பு மாவட்ட குற்றப்பிரிவில் தடுப்புக்காவல் உத்தரவின் கீழ் தடுத்து வைக்கப்பட்டுள்ள சந்தேகநபர் தொடர்பாக சந்தேக நபரின் மனைவிக்கு தொலைபேசி அழைப்புகளை மேற்கொண்டு சந்தேக நபர் குறித்த தனிப்பட்ட தகவல்களை வழங்கியதாக கூறப்படும் ஒரு பொலிஸ் சார்ஜன்ட் பணி இடைநீக்கம் செய்யப்பட்டுள்ளார்.
மாவட்ட குற்றப்பிரிவில் தடுப்புக்காவல் உத்தரவின் கீழ் தடுத்து வைக்கப்பட்டுள்ள சந்தேக நபர் ரஞ்சித் குமார, கடந்த மாதம் 29 மற்றும் 30 ஆம் திகதி இரவு கைது செய்யப்பட்டார். சந்தேக நபர் முறையான அனுமதியின்றி அழைப்புகளை மேற்கொண்டு, இரவு பணியில் இருந்தபோது சந்தேக நபர் குறித்த தகவல்களை அவரின் மனைவிக்கு வழங்கியதாக பொலிஸார் தெரிவிக்கின்றனர்.
தடுப்புக்காவல் உத்தரவின் கீழ் தடுத்து வைக்கப்பட்டுள்ள மற்ற சந்தேகநபர்களுடன் சந்தேகநபர் தகாத உறவு வைத்திருந்ததாகவும் விசாரணைகளில் தெரியவந்துள்ளது.
இந்தச் செயல் தொடர்பாக கிடைத்த தகவல்களைத் தொடர்ந்து, கொழும்பு மாவட்ட குற்றப்பிரிவின் உதவி பொலிஸ் அத்தியட்சகர் நடத்திய விசாரணைகளின் அடிப்படையில் அவர் பணியில் இருந்து இடைநீக்கம் செய்யப்பட்டுள்ளார்.
நடப்பாண்டின் முதல் பத்து மாதகாலப்பகுதியில் 55,447 மோட்டார் கார்கள் இறக்குமதி செய்யப்பட்டு 474.26 பில்லியன் ரூபா சுங்க வரி வருமானம் பெற்றுக்கொள்ளப்பட்டுள்ளது.
அதேபோல் 7331 பண்ட விநியோக வாகனங்கள் இறக்குமதி செய்யப்பட்டு 48.67 பில்லியன் ரூபா, 142,524 மோட்டார் சைக்கிள்கள் இறக்குமதி செய்யப்பட்டு 30.37 பில்லியன் ரூபா, 15,035 முச்சக்கர வண்டிகள் இறக்குமதி செய்யப்பட்டு 15.10 பில்லியன் ரூபா,1676 பேருந்துகள் மற்றும் வேன்கள் இறக்குமதி செய்யப்பட்டு 12.66 பில்லியன் ரூபா சுங்க வரி வருமானம் பெற்றுக்கொள்ளப்பட்டுள்ளது.
அரசுடமையாக்கப்பட்ட பண்டங்கள் மற்றும் உபகரணங்களை ஏலத்துக்கு விடுவதற்கு டிஜிட்டல் முறைமையை அறிமுகப்படுத்த உரிய நடவடிக்கைகளை மேற்கொண்டுள்ளதாக சுங்கத் திணைக்கள அதிகாரிகள் பாராளுமன்ற வழிவகைகள் பற்றிய குழுவில் குறிப்பிட்டனர்.
இலங்கை சுங்கத் திணைக்களம் 2025 செப்டம்பர் மாதமளவில் 1485 பில்லியன் ரூபா வருமானத்தை இலக்கிட்டிருந்த நிலையில் அக்காலப்பகுதியில் 1737 பில்லியன் ரூபா வருமானத்தை பெற்றுக்கொண்டுள்ளது எனவும் அதிகாரிகள் குழுவில் சுட்டிக்காட்டினர்.
