-செ.ரவிசாந்-
சந்நிதியான் ஆச்சிரம நிர்வாகத்தால் கந்தசஷ்டி விரதம் அனுஷ்டிக்கும் 300 அடியவர்களுக்கு நேற்று புதன்கிழமை சந்நிதியான் ஆச்சிரம முன்றலில் வைத்து பழப் பொதிகள் வழங்கப்பட்டன.
எதிர்வரும் 26 ஆம் திகதி ஞாயிற்றுக்கிழமை வரை தினம்தோறும் மாலை வேளையில் பழப் பொதியை அடியவர்களுக்கு வழங்கவும் சந்நிதியான் ஆச்சிரம நிர்வாகம் நடவடிக்கை எடுத்துள்ளது.
இதற்கமைய இன்று வியாழக்கிழமை மாலை 5 மணியளவில் 350 அடியவர்களுக்கு சந்நிதியான் ஆச்சிரமத்தில் வைத்து பழப் பொதிகள் வழங்கப்படவுள்ளன.
இதேவேளை சந்நிதியான் ஆச்சிரம நிர்வாகம் காலத்தின் தேவையறிந்து பல்வேறு பணிகளை முன்னெடுத்து வரும் நிலையில் குறித்த பணியை நான்காவது வருடமாகத் தொடர்ச்சியாக முன்னெடுக்கின்றமை குறிப்பிடத்தக்கது.
